🌴🌴🌴🌴🌴🌴🌴🌴🌴🌴                                 कालच्या जरा गंभीर अाणि वास्तववादी लेखानंतर थोडंसं हलकं फुलकं ,त्यावरचा ऊतारा म्हणुन ...अाजचा लेख.                     अलिबागवरुन पुण्यात रहायला येतांना बय्राच  गोष्टी 'मिस' कराव्या लागणार याची मनांशी खूणगाठ बांधली होती ,त्यातली मुख्य बाब म्हणजे इथला निसर्ग अाणि माझे लाडके पक्षीगण.जे अलिबागला असतांना दिवसभर येताजाता दिसतात.त्यांचा अावाज,त्यांचे रंग ,त्याचं बागडणं,त्यांचे निरनिराळे विभ्रम घरातुन,गॅलरीतुन,स्वयंपाक करता करता खिडकीतुन दिसायचे.हे सगळं इतकं सवयीचं झालं होतं ना .की कधी एकटेपणा वाटायचा नाही.त्यांचं किलबिलणं सतत कानांवर पडत रहायचं.पण पुण्यात अाल्यावर ही सगळी  मंडळी भेटतील किंवा नाही याची थोडीशी धाकधूक वाटत होती.पण जरा स्थिरस्थावर झाल्यावर माझी नजर गेली हॉलच्या खिडकीलगत असलेल्या अांब्याच्या झाडावर.मनांत म्हटलं चला एक तरी 'स्नेही 'अाहे अलिबागचा.अाजुबाजुला बदामाची,सिताफळ,रामफळ,पिवळ्या चाफ्याची झाडं असल्याने थोडा मनाला गारवा अाणि तजेला अाला.सकाळी जाग अाली तीच मुळी  पोपटांच्या थव्याने.कीर्र कीर्र असा अावाज काढत समोरच्या झाडांवरच्या शेंड्यावर विसावला तो थवा. सनबर्डस पण अांब्याच्या झाडावर  दिसु लागले.मंजुळ अावाजाची गोड गाणी गात शिपाई बुलबुल अाणि लालबुड्या बुलबुल चाहुल दाखवु लागले.दयाळ पक्षी पण मी अाहे इथे असं सांगत शेपटी नाचवत निघून गेला.जरा अकराच्या सुमारास भारद्वाजाची जोडी समोरच्या टेरेसवर विसावली.अापल्या घुमावदार अावाजाने वर्दी देऊन गेली.दुपारच्या निवांत क्षणी नळावर भांडणाय्रा बायकांसारखा कलकलाट करत ( मैना) साळुंक्यांचा थवा केबलच्या टॉवरवर बसला होता.अशोकाच्या झाडावर इवलीशी मुनीया घरटे बांधण्याच्या लगबगीत होती. कावळेभाऊ पण कावकाव करत  अापलं   ऊपेक्षीताचं जीवन जगत  अाहेत.चिऊताई मात्र या सगळ्यांत  out of reach  होती.कदाचित अाजुबाजुच्या मोबाईल टॉवरचा हा दुष्परिणाम असावा. समोरच्या कपडे वाळत घालायच्या तारेवर खंड्या  येऊन निळसर जांभळे पंख फडफडवुन गेला. केबलच्या तारेवर वेड्या राघुची जोडी स्वत:चं हिरवेपण जपत निवांत बसली होती. काळा कोतवालही अापल्या शेपटीचा 'curve' दाखवत एकांड्या मुसाफिरासारखा  बिनधास्त बसुन होता.  कोकिळ नर मादी दोघेही  दिसले.जरा कुरुप राखाडी रंगाचा बारीक डोळ्याचा मोठ्या अाणि बाकदार चोचीचा,कर्कशपणे  झाडाच्या शेंड्यावर बसुन ओरडणारा धनेशही जोडीने अाढळला.पुण्यात घारींची संख्या खुप अाहे.मोठमोठे पंख पसरवत विशिष्ट शिट्टीसारखा अावाज काढत.दिवसभर ऊंचावरुन घिरट्या घालत असतात.या शिवाय  चीपचीप असा गोड अावाजाने वेड लावणारा कॉमन टेलर बर्ड पण अाहे.शेपटीला फॅनसारखी रचना असणारा फॅनटेल बहुधा मराठीत नाचरा अथवा नाचण पक्षी म्हणतात.तो पण अधेमधे नाचुन जातो.स्वर्गिय नर्तक फक्त एकदाच दिसला. कबुतरांची संख्या अाणि त्रास अलिबागसारखाच अाहे.यातलाच अजुन एक प्रकार म्हणजे 'लॉफिंग डोव्ह' .बिस्किट सारखा रंग अाणि मानेभोवती काही ठिपके असलेली कबुतराची जात.असो.सध्यातरी हे  मैत्र अाजुबाजुला माझ्याशी संवाद साधतंय ,म्हणुन थोडीफार रमलेय.नाहीतर 'वो दौलत भी लेलो वो शोहरत भी लेलो  कोई लौटादो मेरे अलिबाग के दिन' अशी अवस्था झाली असती................ लाटकरांची निसर्ग.....पक्षीवेडी पूर्वा🌴🌴🌴🌴