🌨🌨🌨🌨🌨🌨🌨                या वर्षिच्या दिवाळीवर पावसाचं सावट दिसतंय.एखाद्या चिकट पाहुण्यासारखा हा जातंच नाहीये महाराष्ट्रातुन .त्यामुळे यंदाची दिवाळी हासरी नाही तर भिजरी जाणार अाहे.सुरवात अापण फराळाने करु.चिवडा हा नेहमीसारखा खमंग चुरचुरीत न होता सादळलेला मऊसर होईल.चकली पण कुरकुरीत न होता दिवाळीत वायर पेटवतो तशी लांब व चांबट होईल.शंकरपाळी खुसखुशीत न होता  भिजलेल्या ग्लुकोज बिस्कीटासारखी लागेल.लाडु मात्र अापला अाब अाणि गोडवा सांभाळत बरे होतील.करंजी टम्म न फुगता रुसुबाई रुसु सारखी गाल पाडुन बसलेली असेल.अनारसे तोडण्यासाठी दोन्ही बाजुने घरातील व्यक्तिंची साखळी लावुन शर्थीचे प्रयत्न करावे लागतील.चिरोट्याचे पदर पावसाने एकमेकांना घट्ट चिकटुन बसतील.कडबोळी पण खमंग तळुन पण लहान मुलांच्या खेळण्यातल्या 'क्ले ' सारखी दिसेल.                                         दिवाळी अाणि रंगीत रांगोळी दारासमोर हे तर अतुट नातं अाहे.पण यंदा मात्र तुमच्या रांगोळीवर अाणि ऊत्साहावर पाऊस कधी बोळा फिरवेल काही सांगता येत नाही.भिजलेली अंगणं,अपार्टमेंटसमोरच्या छोट्याश्या चौकोनात जिन्यावरुन ओघळणारे पाणी.येणारे जाणारे मातकट पाय ,तुमचा हिरमोड करु शकतं.यावर्षि सगळ्यांच्या बुट,चप्पलचे चिखलाचे ठसे तुमच्या दारासमोर नविनच अॅबस्ट्रॅक्ट पेंटीग अापोअाप तयार होउ शकतात.                                       दिवाळीत धामधुमधुडुम असे जोरदार अावाड अाले नाहीतर 'कुछ तो कमी है यार' असे वाटु लागते.यंदामात्र हेअावाज वरुन ढगांतुन येण्याची दाट शक्यता अाहे.अावाजाबरोबरच डोळे दिपवणारी वीजेची माळ पण लक्ककन अाकाशात चमकुन जाईल.तुमचे फटाके लक्ष्मीबाँब,सुतळी बाँब हे फुसफुसत पेटुन थंडावतील.भुईचक्र पण पेटवल्यावर गोल गोल फिरुन कोमात जाईल .पेटवलेलं झाड किंचीत छोट्या रोपट्या एवढं पेटुन .परत अात गडप होईल.फुलबाज्या मात्र पेटतील नेहमीसारख्या,थोडा जास्तवेळ पणतीवर धरुन ठेवाव्या लागतील.             दिवाळी म्हंटलं की अभ्यंगस्नान,सुवासिक ऊटणेसाबण यावर्षी सकाळी अांघोळ झाली तरी दिवसभरात बाहेर पडल्यावर दोनदा स्नान  व्हायची शक्यता अाहे.बाहेर पडतांना सोबत मोतीसाबण जरुर बाळगावा.                                                         तुमची दिवाळीसाठी खास नवीन कपड्यांची खरेदी झाली असेलच ना!नसेल झाली तर एक अागाऊ सल्ल देते कपड्यांबरोबर एखादा रेनकोट ही खरेदी करावा.अहो तुमचे एवढे महागडे ,डिझाईनर कपडे भिजायला नकोत.जुनच्या शेवटच्या अाठवड्यापासुन वापरत असलेला रेनकोट कुठे फाटला असेल,ऊसवला असेल.चिखलपाण्याचे डाग पडुन खराब झाला असेल!असो.                                परवा व्हॉटसपवर अालेलं चित्र बघीतलं असेलच ना तुम्ही सगळ्यांनी!अहो तेच ते अाकाशकंदीलावर छत्री अडकवलेलं.ते अाता हसण्यावारी नका नेऊ!खरोखरच तशीच वेळ अाणलीय या पावसाने.अाकाश कंदीलाबरोबरच दिव्यांच्या माळा पावसापासुन कशा वाचवायच्या याचा विचार करायला लागा.                               या दिवाळीत एक फायदा होणार अाहे पावसाने,पाहुणे जरा कमी येतील.स्वत:च्या घरचा मऊ फराळ संपवता संपवता नाकीनऊ येतील!दुसरीकडे गेल्यावर असाच फराळ पुढ्यात येईल.या धसक्याने यंदाची दिवाळी व्हॉटसअप,फेसबुक!इन्स्टावर किंवा अगदीच गेलाबाजार एखादा फोनकॉल करुन (ते पण फ्री कॉल असतात म्हणुन)साजरी केली जाईल.काय मंडळी तुम्ही कोणत्या प्रकारची दिवाळी साजरी करणार यंदा?                                     अाणि हो एक सांगायचं राहीलं दिवाळीचा फराळ करायला अामच्याकडे नक्की यायचं हं! माझा अाग्रहच म्हणाना 😜   .वाट लावायचीय फराळाची ,सॉरी सॉरी वाट बघतेय असं म्हणायचं होतं. 😄      😄   सौसौ