'Go Digital'

🔒🔒🔒🔒 15 मे 2020......'Go Digital'🔒🔒

 भारतात चौथा लॉकडाऊन येऊ घातलाय.अर्थात ते अपेक्षितच होतं.वाढती रुग्णसंख्या अाणि अापली लोकसंख्या हेच याचे कारण अाहेअसो.
अाज मी जरा वेगळ्या विषयाला हात घालायचं ठरवलेलं अाहे.गेल्या दोन महिन्याच्या या लॉकडाऊनमध्ये अापला सगळ्यांचाच लहानशा मुठीत असलेल्या मोबाईलचा वापर जरा जास्तच वाढलाय.या अाधीही अापण सगळे वापरत होतोच पण गेल्या दोन महिन्यात याचे प्रमाण वाढलेय.व्हॉटसअपवर चॅटींग,परदेशी किंवा देशात राहणाय्रा नातेवाईक ,मुले यांच्याशी व्हिडीओ कॉल.काॅन्फरन्स काॅल करुन भेटल्याचा अानंद घेणे.युट्युबवर वेगवेगळे पदार्थ सर्च करणे.गुगलवर माहिती बघणे.एखाद्या साध्या अाजारापासुन ते कोरोना समजुन घेण्यासाठी गुगल वापरतोय.माझी ऐँशीच्या घरात असलेली अाई रोज वेगवेगळी नाटके,कथाकथन— वपु,पुल .तसेच विविध व्याख्याने धार्मिक स्तोत्रे.मनाचे श्लोकांचा अर्थ ऊलगडणारे युट्युबवर ऐकते.
अाजची तरुण पिढी नव्वद टक्के 'वर्क फ्रॉम होम' करतेय.कोणी स्वत:च्या लॅपटॉपवर,कोणी कंपनीच्या,तर कोणाला डेस्कटॉप,सिपीयु पण घरपोहोच अाणून दिलेत कंपनीने.
गेल्या काही दिवसांत किराणा,औषधे ,भाजी ,दळलेलं पीठ घरिच अॉनलाईन मागविण्याकडे कल अाहे लोकांचा.अांबे पण घरपोहोच मिळत अाहेत.
मनोरंजन विश्वात तर नवनवीन ,हटके प्रयोग पहायला मिळत अाहेत.'अल्पविराम'नावाचा नवीन प्लॅटफॉर्म तयार झालाय युट्युबवर.यात गाणी,गप्पा,मुलाखती या कलाकारांनी घरुनच मुलाखती दिल्या!गाणी म्हंटली,कविता वाचन केले,गप्पा मारल्या.महेश काळे या कलाकाराने तर थेट अमेरीकेतुन लाईव्ह येऊन सुखद धक्का दिला. हे सगळे कार्यक्रम रोज लाईव्ह असल्याने प्रेक्षकांची पण मस्त दाद अॉनलाईन मिळतीय.
अनेक कलाकार फेसबुक लाईव्ह येऊन प्रेक्षकांशी जोडले जात अाहेत.डॉक्टर्स,सेलिब्रीटीज पण लाईव्ह येऊन अापल्याशी संवाद सांगत अाहेत.
साहित्य विश्वातल्या काहिंनी अॉनलाईन काव्यस्पर्धा घेतली.त्यात कवितावाचनाचा अानंद घेतला.तसेच कोमसापचे काही सदस्यांनी स्वत:चे ललीत लेख,कथा वाचन युट्यूबवर अपलोड केले.अनेक प्रकाशक,वाचनालयं अशाच प्रकारचे साहित्य वाचन,अभिवाचन,कादंबरीवाचन अपलोड करत अाहेत.यंदाच्या मॅजेस्टीक गप्पा देखील अशाच पद्धतीने झाल्या.
माझी नणंद पण वेगवेगळ्या रेसीपीज यूट्युबर टाकतेय ,तर भाची ब्युटीपार्लरचा संपूर्ण कोर्स अॉनलाईन शिकवतेय.परवा एका नातेवाईकांना फोन केला संध्याकाळी तर गडबडीने फोन ठेवत म्हणाले 'अगं नातवाचा संस्कार वर्ग  सुरु होतोय,मी म्हंटलं एवढ्या अाणिबाणीच्या परिस्थितीत वर्ग चालु अाहे?यावर ते हसुन म्हणाले'अगं अॉनलाईन अाहे.'गो डिजीटल'. अनेक मुले अॉनलाईन वाद्य वाजवीणे.सतार,व्हायोलीन ,तबला,बासरीचे धडे घेत अाहेत.ड्रॉईंग,पेंटीग्ज ,कलाकुसरीच्या वस्तू.अातातर मास्क बनवण्याचे पण अनेक व्हिडीओज अाहेत.
अनेक मैफीली,शायरिचे कार्यक्रम पण हल्ली अॉनलाईनच पहायला मिळत अाहेत.
नेटफ्लीक्स,अॅमेझॉन प्राईम यासारखंच एक नवीन चॅनेल पण अालंय.संपूर्णपणे धार्मिक,संतसाहित्याला वाहून घेतललं.अाता मोठमोठे ग्रंथ बाळगायची अावश्यकता नाही.एका क्लीकवर हवं ते मीळु शकतं.पारायण करु शकता,अभ्यास करु शकता.वेगवेगळ्या पुजाही घरबसल्या करता येतात.
मनोरंजनविश्वातला अजुन एक प्रयोग म्हणजे टिव्ही सीरीयल,'अाठशे खिडक्या नऊशे दारं'यांत कलाकारांनी अापअापल्या घरात बसुन मोबाईलवर शूट करुन ,नंतर त्याचं व्हिडीओ एडीट करुन मालिका बनवलीय,ती अाता येऊ घातलीय.
यापुढचा टप्पा म्हणजे OTT प्लॅटफॉर्म.यात तुम्हांला अाता सिनेमे पण रिलीज झालेले दिसतील.OTT म्हणजे ओव्हर द टॉप.यात केबल ऐवजी नेटचा वापर करुन मालिका,सिनेमा,शॉर्टफिल्म रिलिज करता येऊ शकतात,सलमान खानचा अागामी चित्रपटपण अाता याच OTT प्लॅटफॉर्मवर रीलीज होतोय.
अशी ही डिजीटल क्रांती .इंडस्ट्रीमध्ये 4.0 अशी संकल्पना येतेय.पण अाता लॉकडाऊनच्या चौथ्या टप्प्यातच ही डिजीटल क्रांती येतीय.अजुनही बरंच काही येऊ घातलंय.सो बी रेडी !गेट सेट गो डिजीटल!🔒🔒सौ.पुर्वा लाटकर,पुणे🔒🔒भेटुया लवकरच.अंहं प्रत्यक्ष नाही हो.अॉनलाईन नाहीतर फोनलाईन.😊😊😅