🌿🌿🌿  अाठवणतीलं सातारा.
 सातारा,दिवाळी अाणि खिंडीतला गणपती यांचं एक अफलातुन कॉम्बीनेशन माझ्या डोक्यात फिट अाहे.काकांची बदली साताय्राला झाली अाणि दिवाळी,ऊन्हाळी सुट्ट्यांत तिथे जायचं हा जणू नेमच झाला.सुट्टी लागली की स्वारगेटवरुन सातारची लालपरी पकडायची दोन ,तिन तासांत सातारा.
 दिवाळीच्या दिवसांत तर खुपच मज्जा असायची.नुकतांच पाऊस पडुन गेलेला असायचा.सगळीकडे हिरवाईने डोंगर नटलेलेअसायचे.अामचं घर तर अगदी अजिंक्यताय्राच्या पायथ्यापाशी.त्यामुळे सकाळी ऊठल्यापासुन त्या खड्या कील्ल्ल्याचे अाणि त्यावर फडकणाय्रा भगव्या जरीपटक्याचे दर्शन होई.
दिवाळीच्या धामधुमीत फराळ,नवीन कपडे,फटाके  ,अाकाशदिवा ,पणत्या,रांगोळ्या या सगळ्याबरोबरच दिवाळीच्या पहिल्या दिवसाला विशेष महत्व असे.अादल्या रात्रीच तयारी केली जायची.दुसय्रा दिवशी सुगंधी तेल,ऊटणे ,मोतीसाबण लावून कडक गरम पाण्याने अांघोळ होई.सगळ्यांच्या अांघोळी चहा अाटपुन अाम्ही घराबाहेर पडत असु.त्या पहाटेच्या गारव्यात ,अंधुक ऊजेडात मी,काका,काकु,चुलतभाऊ ,माझ्या दोन्ही बहीणी अाई सगळ्यांची पावले खिंडीतल्या गणपतीच्या दीशेने पडत.बाहेरपडल्याबरोबरच अामच्यासारखे अनेक जथ्थे भेटत.सगळेचजण कसे छान प्रफुल्लित ,ऊत्साही,अानंदी वाटत.सुगंधी तेलाचा,ऊटण्याचा,साबणाचा,अत्तराचा,कोय्रा कपड्यांचा सुगंध वातावरणात भरुन गेलेला असे.चालत चालत अाम्ही जात असु.बोगदा ओलांडत असु.बोगदा ओलांडल्यावर काही अंतर चालुन गेल्यावर गणपतीचे देऊळ लागे.पायय्रा ऊतरुन अात गेले की गणपतीच्या देवळापर्यंत जाता येई.भरपुर गर्दीने तो परिसर फुललेला असायचा.पहिला फराळ गणपतीला नैवेद्य म्हणून ठेवला जाई.मनोभावे गणपतीला नमस्कार करुन अाशिर्वाद घेतले जात.गणपतीची सुरेख मुर्ती डोळ्यात साठवत काही काळ विसावा घेऊन अामची पावले माघारी वळत.काही ओळखीची मंडळी भेटत दिवाळीच्या शुभेच्छा दिल्या जात.येतांना सुर्य बराच वर अालेला असायचा.अाता पोटात भूकेची जाणीव होऊ लागलेली असायची.घर ते गणपती चालणं झाल्याने व्यायामही अापोअाप व्हायचा.परततांना काही जाणारी येणारी मंडळी मजेत हास्यविनोदात रमलेली दिसायची.समस्त सातारकरांचा दिवाळीचा पहिला दिवस असा खिंडीतल्या गणपतीच्या दर्शनाने पार पडायचा.अाल्यावर फराळावर मनसोक्त ताव मारायचा.दुपारी पुन्हा श्रीखंड पुरीचे जेवण.असा भरगच्च कार्यक्रम असायचा.
अाजही प्रत्येक दिवाळीत सातारच्या दिवाळीची,खासकरुन या पहिल्या दिवसाची अाठवण हमखास येते.🌿🌿
               सौ. पुर्वा लाटकर 24 जुन 2020.