🌿🌿🌿अाठवणीतलं सातारा.🌿🌿
नागपुरसारख्या 'अॉरेंज सिटीतुन' थेट साताय्रासारख्या चिमुकल्या खेडंवजा,लहानशा शहरात काकांची बदली झाली.अाणि अाम्ही हरखुन गेलो.अाता लांबचा प्रवास न करता सहजच,काही तासात साताय्राला जाता येईल.....काकांकडे.पहिल्यांदा अाम्ही सगळे साताय्राला जायला निघालो .स्वारगेटवरुन एस.टी.पकडली.कात्रज घाटाचे सौंदर्य,बोगदा पार करत प्रवास चालु होता.त्यावेळी रस्त्याच्या दुतर्फा भरपुर झाडे होती.अांब्याची जास्तच.मोठमोठी अांब्याची झाडे ऊन्हाळ्याच्या दिवसांत कैय्रांनी लगडलेली दिसत.पहिला थांबा अाणि महत्वाचा थांबा हा शिरवळ असे.शिरवळला अावळासुपारी विकणारे बरेच जण यायचे.अावळासुपारीची हटकुन खरेदी व्हायचीच.बहुधा सातारच्या भावे सुपारीचंच प्रॉडक्ट असावं.अावळा सुपारी चघळत,त्याचा अांबट,तुरट रस गिळत पुढची वाटचाल चालु होई.नंतर खंबाटकी घाटातुन एस.टी.चढत,वळणे घेत ,गोल गोल फिरत घाटमाथा चढायची.एकीकडे खोलदरी ,एकीकडे खडा पहाड.श्वास रोखुनच तो प्रवास व्हायचा.खालुन येणारी वाहने छोट्या खेळण्यातल्यासारखी दिसायची.घाटात वेगवेगळी फुले फुललेली दिसायची.त्याने घाटाचे सौंदर्य अाणखीनच वाढे.घाट ओलांडुन पुढे अालं की सातारा टप्प्यात अाल्यासारखं वाटायचं.रस्त्याच्या दोन्हीकडे काळीशार जमीन,त्यात लावलेला ऊस,ज्वारी,भाजीपाला दिसायचा.अाणखिन एक सांगायचं राहिलं त्यावेळी टोल नव्हता.दुतर्फा भरपुर झाडं होती नंतर हायवे करतांना शेकडो झाडांची कत्तल झाली.
 दोन खिंडीवजा डोंगरातुन एका वळणावर एस.टी. अाली की डोंगराच्या कुशीत लपलेलं शांत,हिरवंगार ,सुशेगात सातारा दृष्टीस पडायचं.छोटी छोटी टुमदार बैठी घरे,बंगले  दिसायचे.रात्रीच्या वेळी.टीमटीमणारे दिवे दिसले की सातारा जवळ अाल्याची खुण पटायची.काही वेळांतच एस.टी.स्टँडला येऊन दाखल व्हायची.प्रवास थोडा असल्याने प्रवासाचा असा फारसा शिण नसायचाच.ऊतरुन रीक्षात बसले की रीक्षावाल्याला पत्ता सांगायचा.'समर्थ मंदीर,दिवेकर हौदाजवळ'.घरी काकु अातुरतेने वाट बघत असायचीच.🌿🌿🌿
                          सौ.पुर्वा लाटकर.🌿🌿