🕉️🕉️🕉️   5 जुलै 2020
      अाज गुरुपोर्णिमा.गेल्या काही दशकात मिळाला नसेल असा गुरु अाज अापल्याला लाभला अाहे.असं म्हणतात शंभर वर्षातुन एकदाच असं घडतं.2020 साल ऊजाडलं तेच मुळी या अदृश्य अशा शत्रुने अाणि अवघ्या सहा महिन्यातच संपूर्ण जगभरात याचा प्रसार झाला.लाखो लोकांचे बळी घेतले ,कित्येक लाख अाज याच्या विळख्यात अडकलेले अाहेत.असा अायुष्यभराचा धडा कि धडे शिकवायला हा करोनारुपी गुरु अाला अाहे.
  माणूस अापल्याच मस्तीत,अहंकारात ,तोय्रात जगत अालेला अाहे अाजवर.अापल्याला मिळालेल्या दुर्मिळ अशा देहाचा,निसर्गाचा ,वनसंपदेचा,जलस्रोतांचा गैरवापर ,त्याच्यावर अन्याय करतो अाहे.या सगळ्याचा र्‍हास करत सुटला अाहे.याची जाणीव अाज या करोनाने करुन दिली अाहे.
मला हवं तसं जगणार,हवं ते खाणार,जिभेचे चोचले पुरवणार .पण अाता अचानकच सगळं हेल्दी खावंस वाटतंय.गेल्या तीन साडेतीन महिन्यात भरगच्च कपाटात भरलेले कपडे,लॉकरला असलेले दागिने,बँक बॅलन्स ,महागड्या गाड्या लक्झरीयस फ्लॅट याचा ऊपयोग अापल्याला करोनापासुन वाचण्यासाठी शुन्य अाहे ,हे समजलं. जगण्यासाठी या सगळ्याची गरज नाही हा मोठा धडा मिळाला.अाज हेल्थ अाणि इम्युनिटी ही पहिली अाणि महत्वाची प्रायॉरीटी बनलीय.घरचं साधं ,सात्विक,पौष्टिक खाणं याची नितांत अावश्यकता भासु लागली अाहे.झुळझुळीत कपड्यांपेक्षा स्वत:ला कंफर्टेबल वाटतील असे कपडे घातले जात अाहेत.विनाकारण फिरणे,चैन करणे,मॉलमधली अनावश्यक खरेदी.महागड्या परदेशी ,देशी टुर्स ,गाड्यांची नवनवीन मॉडेल्स,ब्रँडेड अॅसेसरीज ,घड्याळे या सगळ्या कीती अनावश्यक अाहेत याचा धडा मिळाला.
अाजवर अनेक पार्ट्या,गेट टुगेदर,लग्नसमारंभ,मुंजी ,वाढदिवस यावर वारेमाप खर्च करुन श्रीमंतीचे प्रदर्शन करणे कीती थिल्लरपणाचे होते हे कळले.
वाटेल तेंव्हा बाहेर जाणे,चैन करणे या स्वातंत्र्यावर गदा अालीय.
छोटे छोटे रुसवे फुगवे,मी पणा,अहंकार अाजवर जपत होतो.शुल्लक गोष्टींना अवास्तव महत्व देत होतो.पण अाज हीच जिव्हाळ्याची माणसे भेटेनाशी झाल्याने अायुष्यातील माणसांचे.परस्पर संवादाचे मोल कळु लागले अाहे.अाज अापल्याभोवती काळजी करणारी ,घेणारी माणसे हवी अाहेत असे प्रकर्षाने जाणवु लागले अाहे.
निसर्गापासुन जे ओरबाडुन घेत होतो ते अाज  पुन्हा रिकव्हर होतेय.शुद्ध हवा,पाणी,ओझोनचं छिद्र कमी होणं.नद्या स्वच्छ प्रदुषणविरहीत बनल्या.जनावरे मुक्त हिंडु लागली.हवेतलँ अॉक्सीजनचं प्रमाण वाढलं.ज्याची हानी झाली होती तो निसर्गच अाता स्वत:च्या जखमा हील करतोय.
अापल्यातल्या माणुसकीला पुन्हा एकदा जागं करण्यासाठी,पुन्हा प्रेमाने जगण्यासाठी,गरजा कमीतकमी ठेवुन मन अाणि शरीर निरोगी ठेवण्यासाठी हा करोनारुपी गुरु अाला अाहे.
तुम्ही त्याला गुरु माना अथवा न माना तो तुम्हाला अायुष्याचा मोठा धडा शिकवणारच!हा गुरु अाता लवकरात लवकर सगळ्या जगातुन नाहीसा व्हावा हीच सदिच्छा!
गुरुपोर्णिमेच्या अनेक अनेक शुभेच्छा!🕉️🕉️🕉️
         सौ.पुर्वा लाटकर.