*कुठे जप तर कुठे अनुष्ठान*

*कुठे याचना तर कुठे गाऱ्हाणं*

*शेवटी आलाच तो धावून*

*बरसू लागला चिंब होऊन*

*शेती माती झाडे पाने गेली भिजवून*

*गाई,गुरे पशु पक्षी गेली सारी आनंदून*

*तापलेली जमीन गेली थंडावून*

*चराचर  निघाले सुस्नात नाहून*

*गार वारा अंगाला बिलगुन*

*जाई तन मन पूर्ण सुखावून*

*आता नको विसावा*

*तू असाच सतत पडावा*

*तहान साऱ्यांची भागू दे*

*पिकं जोमात येऊ देत*

*तुझ्यावर सगळी अवलंबून*

*तुझ्यामुळेच चाले जीवन*

*ठेव तुझी नजर  धरतीवर*

*वरुण राजा मागते एकच वर*

*सौ.पूर्वा लाटकर*

*२३जून२०२६*